بزنس کلاس میں فضائی سفر کرنیوالوں پر 17فیصد FED عائد کرنے پر غور

لاہور (بیوروچیف) آئی ایم ایف سے جاری مذاکرات کے تناظر میں حکومت بین الاقوامی بزنس کلاس کے ٹکٹس پر ایکسائز ڈیوٹی لگانے پر غور کررہی ہے۔ذرائع کے مطابق بیرون ملک سے آنے اور جانے والے بزنس کلاس کے مسافروں پر17فیصد فیڈرل ایکسائز ڈیوٹی عائد کی جائے گی۔ حکومت نے آئی ایم ایف کی ٹیم کو اس بارے میں آگاہ کردیا ہے۔ذرائع کا مزید کہنا ہے کہ ڈیوٹی کلب، بزنس اور فرسٹ کلاس ٹکٹس پر لگائی جائے گی۔ بین الاقوامی فضائی ٹکٹس میں50ہزار روپے فیڈرل ایکسائز ڈیوٹی کی مد میں وصول کیے جائیں گے۔ فیصلے کا اطلاق وفاقی حکومت کی حتمی ہدایات کے بعد کیا جائے گا۔