بھارتی بلے باز نے T20میں نیوزی لینڈ کے کھلاڑی کا ریکارڈ توڑ ڈالا

کراچی(سپورٹس نیوز)بھارتی بیٹر تلک ورما نے ٹی 20 انٹرنیشنل میں آئوٹ ہوئے بغیر زیادہ رنز بنانے کا ورلڈ ریکارڈ توڑ دیا، ورما اب تک بھارت کی جانب سے آخری چار ٹی 20 میچز میں 318 رنز بنا چکے ہیں۔انگلینڈ سے جاری ہوم سیریز کے دوسرے میچ میں انہوں نے گزشتہ روز 72 رنز ناٹ آئوٹ بنائے تھے، 22 سالہ لیفٹ ہینڈر اب تک فل ممبران کی جانب سے بغیر آئوٹ ہوئے 300 سے زائد رنز بنانے والے دنیا کے پہلے بیٹر بنے ہیں۔جنوبی افریقا سے میچز میں انہوں نے 107، 120 اور انگلینڈ سے حالیہ سیریز میں اب تک وہ 19 اور 72 رنز ناٹ آؤٹ بنا چکے ہیں۔ان سے قبل، نیوزی لینڈ کے مارک چیپمین نے بغیر آئوٹ ہوئے سب سے زیادہ 271 رنز بنائے تھے جس میں 65، 16، 71، 104 اور 15 رنز شامل تھے۔آسٹریلیا کے آرون فنچ 240 رنز اور ڈیوڈ وارنر 239 رنز بناکر نمایاں رہے ہیں۔