بھارتی ریپر بادشاہ پر ٹریفک قوانین توڑنے پر بھاری جرمانہ

ممبئی (شوبز نیوز) بھارتی مشہور گلوکار اور ریپر بادشاہ پر ٹریفک قوانین توڑنے پر بھاری جرمانہ عائد کر دیا گیا۔بھارتی میڈیا کے مطابق بادشاہ پر غلط سمت میں گاڑی چلانے کے باعث بھاری جرمانہ عائد کر دیا گیا ہے۔ گرگام کے سیکٹر 68 میں آریا مال کے قریب پیش آنے والے اس واقعے میں ٹریفک پولیس نے بادشاہ کے قافلے میں شامل ایک گاڑی پر 15,500 روپے کا چالان جاری کیا ہے۔یہ واقعہ اس وقت پیش آیا جب بادشاہ گلوکار کرن اوجلا کے کنسرٹ میں شرکت کے لیے پہنچے۔