بھارت کی بزدلانہ کارروائیوں کا جواب پاک فوج نے بہادری سے دیا

جڑانوالہ(نامہ نگار) آپریشن بنیان مرصوص کی کامیابی پر بھارت کی جارحیت کیخلاف”منہ توڑ جواب دینے پر افواج پاکستان کیساتھ اظہار یکجہتی کیلئے انجمن تاجر تاجران کتب ایسوسی ایشن جڑانوالہ کے زیر اہتمام ریلی کا انعقاد کیا گیا۔ریلی کا مقصد پاک فوج کی بہادری اور قومی دفاع کے عزم کو خراجِ تحسین پیش کرنا تھا۔ریلی میں صدر کتب ایسوسی ایشن نوید چوہدری جنرل سیکرٹری اسد اللہ ساقی،ایس پی جڑانوالہ ضیا الحق، مولانا سکندر حیات ذکی(ممبر ڈسٹرکٹ امن کمیٹی فیصل آباد)شیخ عبد الغفار (صدر تاجر اتحاد جڑانوالہ) حافظ اسد اللہ(تحریک تحفظ ختم نبوت)ارسلان باری (ایس ایچ او سٹی جڑانوالہ) سمیت سیکورٹی فورسز کے اہلکاروں نے بھرپور شرکت کی مقررین نے کہا کہ آپریشن بنیان مرصوص کے دوران افواج پاکستان نے بھارت کو دندان شکن شکت سے دوبار کیا ہے اور وقت آنے پر ہر قربانی دینے کو تیار ہیں تاجر برادری ملکی سلامتی کیلئے ہمیشہ پیش پیش رہے گی شرکا نے “پاک فوج زندہ باد”بھارت مردہ باد اور ہم سب ایک ہیں جیسے نعرے لگاتے ہوئے قومی پرچم اٹھائے۔پلے کارڈز پر افواجِ پاکستان کی حمایت اور بھارتی جارحیت کی مذمت کے پیغامات درج تھے