بیوی سے ناراضگی پرپتھر دل شخص نے دو بیٹیوں کو قتل کردیا

بہاولپور(نامہ نگار)سگا باپ جلاد بن گیا، بہاولپور کے نواحی علاقے مسافر خانہ کے قریب ناراض بیوی کی رنجش پر سگے باپ نے اپنی ہی دو بیٹیوں کو مبینہ طور پر بھاری چیز مار کر قتل کردیا۔ملزم نے 5 سالہ بیٹی لائبہ اور 3 سالہ طوبہ کو کسی کے وار کرکے موت کے گھاٹ اتاردیا ملزم اور بیوی کے بیچ گھریلو تنازعات پر نارضگی چل رہی تھی جسکے باعث بیوی نے بچیوں کی حوالگی کے لیے عدالت میں رجوع کر رکھا تھا۔ جب پولیس تھانہ مسافر خانہ بیوی کی طرف سے عدالتی آرڈر پر بچیاں برآمد کرنے ملزم کے گھر پہنچی تھی ملزم نے پولیس کو گھر کے باہر کھڑا کیا اور جاکر دونوں بیٹیوں کو مبینہ طور پر بھاری چیز کے وار کرکے قتل کردیا۔ باپ کے ہاتھوں قتل ہونے والی بچیوں کی لاشوں کو پوسٹمارٹم کے لیے اسپتال منتقل کردیا گیا جبکہ آلہ قتل تحویل میں لے کر ملزم سرفراز کو تھانہ مسافر خانہ منتقل کردیا گیا۔