تبو اپنے والد کا سرنیم ”ہاشمی” کیوں استعمال نہیں کرتیں

ممبئی (شوبز نیوز) بھارتی سنیما کی آج کی سب سے طاقتور اور بااثر اداکارائوں میں شمار کیے جانے کے باوجود تبو کی ذاتی زندگی کا سفر ابتدا ہی سے استقامت اور خود مختاری سے عبارت رہا ہے۔اداکارہ اس سے قبل بتا چکی ہیں کہ ان کا اپنے والد سے کبھی کوئی رشتہ نہیں رہا، کیونکہ ان کے والدین کی علیحدگی اس وقت ہو گئی تھی جب وہ صرف تین سال کی تھیں۔ مضبوط خواتین کے ماحول میں پرورش پانے والی تبو نے آہستہ آہستہ اپنی آواز تلاش کی، چاہے وہ بطور انسان ہو یا بطور فنکارہ تبو نے حیدرآباد میں اپنی پرورش کے دنوں کو یاد کرتے ہوئے بتایا کہ والدین کی طلاق کے بعد وہ نانا نانی کے ساتھ رہتی تھیں۔