تعمیراتی اور صنعتی سیکٹر کیلئے بڑے ریلیف کا امکان

اسلام آباد (بیوروچیف) وزیراعظم شہبازشریف نے پیداواری صنعتوں اور تعمیراتی شعبے کے لیے ریلیف کی ہدایت کر دی، نئے بجٹ میں پراپرٹی،تعمیراتی اورصنعتی شعبے کیلئے بڑے ریلیف پیکیج کا اعلان متوقع ہے، فائدہ عوام کو بھی ہوگا۔وزیراعظم کی ہدایت پر پیداواری شعبے اورتعمیراتی صنعت کی لئے ریلیف اہم ریلیف تجاویزکی تیاری شروع کردی گئی ہے،تجاویزاسٹیک ہولڈرکی مشاورت سے تیارکی جا رہی ہیں،پراپرٹی کے لین دین پر بھی ودہولڈنگ ٹیکس،فیڈرل ایکسائز ڈیوٹی ختم ہونے کا امکان ہے،پراپرٹی کی خرید و فروخت پر فیڈرل ایکسائز ڈیوٹی بھی ختم ہوجائے گی۔اس کے علاوہ پیداواری صنعتی شعبے کو خام مال میں ریلیف ملنے کی توقع ہے،خام مال پر ودہولڈنگ ٹیکس ختم ہونے کی توقع ہے،فائدہ صارفین کو بھی ہوگا،ودہولڈنگ ٹیکس ختم ہونے پر صنعتی خام مال سستا ہوسکے گا،جس سے صارفین کو تیار مال کم قیمت پر ملے گا۔وزارت خزانہ کے ذرائع کا کہنا ہے ودہولڈنگ ختم ہونے سے ٹیکسوں کے ری فنڈ کا حجم بھی کم ہوگاآئی ایم ایف کے ساتھ ودہولڈنگ ٹیکس ختم کرنے کے لیے مشاورت کی جائے گی۔ ذرائع کا کہناہے کہ وزیراعظم شہبازشریف کی ہدایات کی روشنی میں ریلیف پر آئی ایم ایف کو راضی کیا جائے گا۔