تھڑ ا بنانے پا جھگڑا 4بھائیوں سمیت 5قتل ‘ 14زخمی

کوئٹہ(نامہ نگار)معمولی تلخ کلامی بڑے جھگڑے میں بدل گئی ، فائرنگ سے چاربھائیوں سمیت پانچ افراد قتل اور14خمی ہوگئے۔پولیس کے مطابق کوئٹہ کے علاقے سریاب روڈ پر گاہی خان چوک پر لہڑی قبیلے کے دو گروہوں میں تصادم ہوا، دونوں گرپوں کی جانب سے فائرنگ ہوئیں جس کے نتیجے میں چار بھائی مارے گئے جبکہ ان کی والدہ، والد اور دادا سمیت آٹھ افراد زخمی ہوگئے، دوسرے گروہ کا بھی ایک نوجوان قتل ہوا جبکہ چھ زخمی ہوگئے۔ایس ایچ او کیچی بیگ قادر قمبرانی نے بتایا کہ جھگڑا دو ہمسائیوں کے درمیان گھر کے سامنے تھڑا بنانے پر شروع ہوا ، پہلے لاٹھیاں برسیں اور اس کے بعد گولیاں چل گئیں، لاشوں اور زخمیوں کو سول ہسپتال اور بولان میڈیکل ہسپتال پہنچایا گیا۔پولیس سرجن ڈاکٹر عائشہ فیض کے مطابق مرنے والوں کو جسم کے اوپری حصوں میں گولیاں لگیں جس کی وجہ سے ان کی موقع پر ہی موت ہوگئی تھی، زخمیوں کو ہسپتال کے ٹراما سینٹر میں داخل کردیا گیاہے۔