تیزاب حملے میں زخمی خاتون ایک ماہ بعد دم توڑ گئی

مظفر گڑھ (نامہ نگار) مظفرگڑھ کے علاقے روہیلانوالی میں تیزاب حملے میں زخمی ہونے والی خاتون دم توڑ گئی۔پولیس کے مطابق خاتون 1 ماہ سے نشتر اسپتال کے برن یونٹ میں زیرِ علاج تھی۔خاتون کی وفات کے بعد واقعے میں تیزاب پھینکے جانے سے انتقال کرنے والوں کی تعداد 2 ہو گئی ہے۔پولیس کے مطابق گھر میں سوئی 2 خواتین اور ایک بچی پر رشتے داروں نے تیزاب پھینکا تھا۔ واقعے میں ملوث 4 ملزمان گرفتاری کے بعد سے جیل میں ہیں۔