جرائم کی روک تھام کیلئے نقلی پولیس تعینات

سیئول (مانیٹرنگ ڈیسک) جنوبی کوریا نے جرائم کی روک تھام کے لیے ہولوگرافک پولیس اہلکار متعارف کروائے ہیں جو کہ ایک منفرد اور دلچسپ تکنیکی اقدام سمجھا جارہا ہے۔میڈیا رپورٹس کے مطابق اس منصوبے کے تحت، سیول کے پارک میں ایک زندہ سائز تھری ڈی ہولوگرام پولیس اہلکار کو نصب کیا گیا ہے۔ یہ ہر رات شام 7بجے سے 10بجے تک فعال رہتا ہے۔یہ اہلکار سیاحوں کو یہ پیغام دیتا ہے کہ اگر تشدد یا کسی ہنگامی صورتحال ہو، پولیس فوری طور پر ردعمل دے گی اور یہیں ہر جگہ نگرانی کیمرے نصب ہیں.پولیس نے اکتوبر 2024سے مئی 2025کے دوران، پارک کے گردونواح میں ہونے والے جرائم میں تقریبا 22 کمی نوٹ کی۔جنگبو پولیس اسٹیشن کے چیف آن ڈونگ کے مطابق یہ ہولوگرام ایک سمارٹ سیکیورٹی ڈیوائس کے طور پر کام کرتا ہے۔ہولوگرام شہریوں کو تحفظ کا احساس دلاتا ہے اور بدانتظامی سے باز رکھنے کا نفسیاتی اثر رکھتا ہے۔اگرچہ نگاہ سے واضح ہوتا ہے کہ یہ اصل پولیس اہلکار نہیں ہے، پھر بھی اس کا وجود اپنے آپ میں جرم کی فعالیت کو کم کرتا ہے۔