حالات کے ستائے نوجوان نے زہریلی گولیاں کھا کر خودکشی کر لی

فیصل آباد (سٹاف رپورٹر) حالات کے ستائے نوجوان نے زہریلی گولیاں کھا کر خودکشی کر لی’ ہسپتال انتظامیہ نے ضروری کارروائی کے بعد نعش ورثاء کے حوالے کر دی۔ بتایا جاتا ہے کہ سانگلہ ہل کے رہائشی 30سالہ سجاول ولد اﷲ رکھا معاشی حالات کی وجہ سے گھر میں اکثر جھگڑا رہتا تھا۔ گزشتہ روز بھی کسی بات پر گھر والوں سے تلخ کلامی ہو گئی تو اس نے دل برداشتہ ہو کر گندم میں رکھنے والی گولیاں نگل لیں جسے تشویشناک حالت میں ہسپتال لایا گیا جہاں پر ڈاکٹروں نے اس کا معدہ واش کر کے جان بچانے کی سرتوڑ کوشش کی لیکن دوران علاج وہ زندگی کی بازی ہار گیا۔ ہسپتال انتظامیہ نے ضروری کارروائی کے بعد نعش ورثاء کے حوالے کر دی۔