حالات کے ستائے نوجوان نے زہریلی گولیاں کھا کر خودکشی کرلی

فیصل آباد (سٹاف رپورٹر) گھریلو ومعاشی حالات سے دل برداشتہ نوجوان نے زہریلی گولیاں کھا کر خودکشی کر لی’ ہسپتال انتظامیہ نے ضروری کارروائی کے بعد نعش ورثاء کے حوالے کر دی۔ بتایا جاتا ہے کہ سمندری کے رہائشی 30سالہ سنیل ولد وارث کچھ عرصہ سے کاروبار نہ ہونے کی وجہ سے پریشان تھا، جس کے باعث گھر میں اکثر جھگڑا رہتا تھا، گزشتہ روز دوبارہ کسی بات پر گھر والوں سے جھگڑا ہوا تو اس نے تنگ آ کر گندم میں رکھنے والی زہریلی گولیاں نگل لیں حالت غیر ہونے پر تشویشناک حالت میں ہسپتال لایا گیا جہاں ڈاکٹروں نے اس کی جان بچانے کی سرتوڑ کوشش کی لیکن وہ دوران علاج زندگی کی بازی ہار گیا۔ ہسپتال انظامیہ نے ضروری کارروائی کے بعد نعش ورثاء کے حوالے کر دی۔