دنیا کی ایک تہائی آبادی سر درد سے متاثر

واشنگٹن (مانیٹرنگ ڈیسک) دنیا کی ایک تہائی آبادی سر درد سے متاثر، خواتین سب سے زیادہ شکار، عالمی سطح پر تقریبا 3ارب لوگ کسی نہ کسی قسم کے سر دردمیں مبتلا ہیںدرد شقیقہ سر درد سے منسوب معذوری کی سب سے بڑی وجہ ہے جب کہ درد کم کرنے والی دوائیوں کے زیادہ استعمال سے بھی تکلیف مزید بڑھ سکتی ہے، جسے میڈیکیشن اوور یوز ہیڈیک کہتے ہیں۔ خواتین کو مردوں کی نسبت سر درد سے متعلق مسائل کا سامنا زیادہ ہے، ان کی سر درد سے منسوب معذوری کے سال (YLD) بھی زیادہ ہیں۔ بہتر علاج تک رسائی، خاص طور پر کم اور درمیانی آمدنی والے ممالک میں اس مسئلے کے بوجھ کو کم کر سکتی ہے۔یونیورسٹی آف واشنگٹن اور نارویجن یونیورسٹی آف سائنس اینڈ ٹیکنالوجی کی تحقیق میں 42 ہزار افراد کے ڈیٹا کا تجزیہ کیا گیا، جس سے یہ ظاہر ہوا کہ خواتین زیادہ عرصے تک اور زیادہ شدت کے ساتھ سر درد برداشت کرتی ہیں اور اسی لیے ان کے سر درد سے منسوب معذوری کے سال (YLDs) مردوں سے کہیں زیادہ ہیں۔تحقیق میں بتایا ہے کہ یہ شرح خواتین کے لیے 740 معذوری کے سال(YLDs) فی ایک لاکھ افراد جبکہ مردوں کے لیے 364 معذوری کے سال(YLDs) فی ایک لاکھ افراد ہے۔تحقیق کے مطابق دردِ شقیقہ (Migraine) سر درد سے متعلق معذوری کی سب سے بڑی وجہ ہے جو کل معذوری کا تقریبا 90 فیصد بنتی ہے۔