دوران ڈیوٹی جان کی پرواہ نہ کرنیوالے بہادر پولیس اہلکار ہمارے ہیرو ہیں

چنیوٹ(نامہ نگار )ڈی پی او آفس میں پولیس کے غازیوں کے اعزاز میں پروقار تقریب کا انعقادکیا گیاجس میں فرائض کی ادائیگی کے دوران بہادری کا مظاہرہ کرنے والے پولیس اہلکاروں کو غازی میڈلز لگائے گئے۔تفصیلات کے مطابق دوران ڈیوٹی جان کی پرواہ نہ کرنے والے بہادر پولیس اہلکار وں کے اعزاز میں تقریب کا انعقا کیا گیا۔ ڈسٹرکٹ پولیس آفیسر عبداللہ احمد نے چنیوٹ پولیس کے غازی ہیڈ کانسٹیبل حسنین نواز، کانسٹیبل مدثر علی، کانسٹیبل محمد لطیف کو غازی میڈلز لگائے۔ اس موقع پر ڈی پی او نے غازیوں کی خدمات کو سراہا اور انکی صحت و پروفیشنل مسائل پر سیر حاصل گفتگو بھی کی گئی۔