دھواں چھوڑنے والی گاڑیوں کیخلاف کریک ڈاؤن کیا جارہا ہے،مریم اورنگزیب

لاہور(بیوروچیف) سینئر وزیر پنجاب مریم اورنگزیب نے کہا ہے کہ پنجاب میں آلودگی بڑھنے کا امکان ہے، مشرقی ہواں سے بھارتی شہروں کی آلودگی پنجاب میں داخل ہوگی۔اپنے بیان میں مریم اورنگزیب کا کہنا تھا کہ صبح ہواں کا رخ بدلنے سے اے کیو آئی میں بہتری کا امکان ہے، پنجاب میں میکینکل سٹریٹ واشنگ جاری ہے، پنجاب میں واٹر سپرے اور ریئل ٹائم ایئر کوالٹی مانیٹرنگ بھی جاری ہے، بھٹوں اور انڈسٹری کی چیکنگ بھی کی جا رہی ہے۔انہوں نے کہا کہ کھلی جگہوں پر آگ جلانے پر زیرو ٹالرنس پالیسی ہے، ایس او پیز کی خلاف ورزی پر روزانہ جرمانے کئے جا رہے ہیں۔مریم اورنگزیب کا مزید کہنا تھا کہ صوبے بھر میں سموگ ایمرجنسی سکواڈز 24/7فیلڈ میں الرٹ ہے، ٹریفک پولیس کی خصوصی اینٹی سموگ ڈیوٹیاں بڑھا دی گئی ہیں، دھواں چھوڑنے والی گاڑیوں کے خلاف کریک ڈائون کیا جا رہا ہے۔