ذوالفقار علی بھٹو پاک چینی دوستی کے معمار تھے

فیصل آباد(سٹاف رپورٹر) قائد عوام شہید ذوالفقار علی بھٹو پاکستان کے ہی نہیں بلکہ عالم اسلام کے بھی مقبول ترین لیڈر تھے ۔ انہو ں نے تیسری دنیا کے محکوم اور پسے ہوئے طبقات کے حق میں صدا بلند کی اور ان کے حقوق سے متعلق انہیں شعور دیا ۔ انکو ہم سے بچھڑے 46 سال سے اوپر کا عرصہ بیت چکا ہے لیکن تاریخ کے سنہرے اور ا ق میں آج بھی ان کا نام زندہ و جاوید ہے ۔ وہ نئے پاکستان کے معمار اور جبر و استبداد کے مارے عوام کے نجات دہندہ تھے ان خیالات کا اظہار صدر رانا نعیم دستگیر خاں نے کیا ۔ اس موقع پر سنئیر نائب صدر شیخ محمد اسلام ‘ سیکرٹری اطلاعات رانا خاور جاوید’ ڈپٹی سیکرٹری افتخار حلیم رضا’ ٹکٹ ہولڈرز چوہدری عمر دراز آزاد ‘ ملک ذوالفقار ‘ نعیم یعقوب گل ‘ ندیم غفاری’ ڈپٹی سیکرٹری اطلاعات صغیر اعوان’ سیکرٹری ریکارڈ اینڈ ایونٹس محمد زمان خاں ‘ نائب صدر ڈویژن شعبہ خواتین رفعت انجم ‘ صدر لیبر بیورو رانا منظور خاں ودیگر شریک تھے۔