راجیہ سبھا میں امتیابھ کے نام سے پکارے جانے پر پرجیا بچن نالاں

ممبئی (شوبز نیوز)ماضی کی نامور اداکارہ اور بھارتی سیاستدان جیا بچن راجیہ سبھا میں اپنے نام کے ساتھ امیتابھ بچن کا نام جوڑنے پر سخت ردعمل دیتے ہوئے پھٹ پڑیں۔راجیہ سبھا کے ڈپٹی چیئرمین ہری ونش نارائن نے جیا بچن کو پارلیمنٹ ہاؤس کے سیشن میں خطاب کیلئے مدعو کرتے ہوئے مخاطب کیا کہ ‘شریمتی جیا امیتابھ بچن جی پلیز’۔ڈپٹی چیئرمین کی جانب سے اپنے نام کے ساتھ امیتابھ بچن کا نام جوڑنے پر سخت ردعمل کا مظاہرہ کرتے ہوئے جیا بچن نے ڈپٹی چیئرمین سمیت سب کو یاد دہانی کروادی کہ الگ سے ان کی اپنی بھی ایک پہچان ہے۔ڈپٹی اسپیکر کو مخاطب کرتے ہوئے جیا بچن نے کہا کہ ‘صرف جیا بچن بولتے تو کافی ہو جاتا’۔جیا بچن نے کہا کہ یہ کچھ نیا طریقہ ہے کہ عورتیں اپنے شوہر کے نام سے جانی جائیں، ان کی اپنی کوئی شناخت نہیں، ان کی اپنی کوئی حاصلات نہیں، ان کا اپنا کوئی پہچان نہیں۔انہوں نے کہا کہ یہ بالکل ہی کوئی نئی چیز ہے۔