رضائیاں بنانیوالی فیکٹری میں آتشزدگی

فیصل آباد (سٹاف رپورٹر) شیخوپورہ روڈ پر شوگر موڑ کے قریب رضائیاں بنانے والی فیکٹری میں آگ لگنے سے بھاری مالیت کا سامان جل کر خاکستر ہو گیا، ریسکیو1122 نے بروقت موقع پر پہنچ کر کافی جدوجہد کے بعد آگ پر قابو پا لیا، تاہم کوئی جانی نقصان نہیں ہوا۔ بتایا جاتا ہے کہ گزشتہ روز شوگر موڑ پر واقع رضائیاں تیار کرنے والی فیکٹری میں شارٹ سرکٹ کے باعث اچانک آگ بھڑک اٹھی جس نے دیکھتے ہی دیکھتے پورے گودام کو اپنی لپیٹ میں لے لیا۔ اطلاع ملتے ہی ریسکیو فائر بریگیڈ کے عملہ نے موقع پر پہنچ کر گودام کی دیوار اور چھت کو توڑ کر کافی جدوجہد کے بعد آگ پر قابو پا لیا۔ اسی دوران ریسکیو فائر بریگیڈ کی 4 گاڑیوں نے حصہ لیا۔