روبوٹ نے بجلی ٹھیک کر دی

بیجنگ (مانیٹرنگ ڈیسک) چین میں ایک روبوٹ نے بجلی کی ہائی ٹینشن لائن کی مرمت کرکے سب کو حیران کردیاغیر ملکی میڈیا کے مطابق یہ ایک الیکٹریشن روبوٹ ہے جسے ہوبی الیکٹرک پاور ریسرچ انسٹی ٹیوٹ اور ووہان اسٹیٹ گرڈ کے تعاون سے تیار کیا گیا ہے۔الیکٹریشن روبوٹ پریسائز لیزر کٹنگ ٹیکنالوجی کا استعمال کرتے ہوئے بہت مہارت کے ساتھ ذیلی تاروں کو مرکزی تار سے جوڑنے، کنکشن کو درست طریقے سے لگانے سمیت دیگر مسائل کو حل کرتا ہے۔ووہان اسٹیٹ گرڈ کے ایک ٹیکنیشن وو ژین نے کہا کہ یہ روبوٹ وائرنگ کے انتہائی پیچیدہ ماحول میں بھی کام کرسکتا ہے۔انہوں نے کہا سب سے اہم بات یہ ہے کہ اس روبوٹ کی وجہ سے لوگوں کو بجلی کے کرنٹ لگنے کا امکان بھی مکمل طور پر ختم ہوجائے گا۔میڈیا رپورٹس کے مطابق یہ تجربہ ہوبئی کی کانٹی چونگ شین میں کیا گیا جس کا مقصد مشکل اور خطرناک ماحول میں بجلی سے متعلق کام کرنے والے افراد کی حفاظت کو یقینی بنانا ہے۔