ریلوے کی بربادی کی بڑی وجوہات ہی کرپشن ہے

فیصل آباد (سٹاف رپورٹر) پریم یونین کے صدر شیخ محمد انور، چیف آرگنائزر خالدمحمود چوہدر ی نے ریلوے میں کرپشن کے خلاف وفاقی وزیرریلوے محمدحنیف عباسی کے اقدامات کو خراج تحسین پیش کرتے ہوئے کہاہے کہ ان احسن اقدامات سے ریلوے سے کرپشن کا خاتمہ ممکن ہو سکے گا۔راہنماں نے مطالبہ کیاکہ ورکشاپ ڈویژن میں کوراٹرزکی بوگس الاٹمنٹ کے متعلقہ فراڈپر بھی سخت اقدامات کرتے ہوئے اس کرپشن میں ملوث افسران اور ماتحت عملہ کے خلاف سخت ایکشن لے کر انہیں عبرت کا نشان بنایا جائے۔انہوں نے کہاکہ ریلوے کی تباہی وبربادی اور تنزلی کی مختلف وجوہات میں سب سے بڑی وجہ اہلیت کی کمی اور کرپشن ہے،اگرریلوے میں اہل اور ایماندارافسران کی تعیناتی اور کرپشن کے خلاف زیرو ٹالرنس پالیسی کو اولین ترجیح دی جائے تو ریلوے کی مشکلات میں بڑی کمی آسکتی ہے۔انہوں نے وفاقی وزیرریلوے محمد حنیف عباسی کو یقین دلایاکہ پریم یونین اور اور اس کے کارکن کرپشن کے خاتمہ کی پالیسی پر ان کے شانہ بشانہ کھڑے رہیں گے کیونکہ خود پریم یونین نے روزاول سے ہی ریلوے سے کرپشن کے خاتمہ کیلئے جدوجہد کی ہے جو آئندہ بھی جاری رہے گی۔