ریٹنگ ایجنسیوں نے بہتر معاشی کارکردگی کی تصدیق کردی

اسلام آباد(بیورو چیف)وفاقی وزیر خزانہ محمد اورنگزیب نے کہاہے کہ بین الاقوامی ریٹنگ ایجنسیوں نے پاکستان کی بہتر معاشی کارکردگی کی تصدیق کی ہے۔اسلام آباد میں تقریب سے خطاب کرتے ہوئے انہوں نے کہاکہ وزیر اعظم شہباز شریف کی قیادت میں حکومت ملک میں اقتصادی استحکام کیلئے کوشاں ہے۔وفاقی وزیر خزانہ نے کہا کہ ترسیلات زر پاکستان کی لائف لائن ہیں، ثابت ہوتا ہے کہ پاکستان کی معیشت درست سمت میں گامزن ہے۔انہوںنے کہاکہ یہ ایک آغاز ہے اور ہم نے مزید آگے بڑھنا ہے، موجودہ حکومت انتظامی اصلاحات متعارف کرا رہی ہے۔وفاقی وزیر خزانہ محمد اورنگزیب نے کہاکہ توانائی، بینکاری نظام اور ایس او ایز کے حوالے سے مختلف اقدامات کیے جارہے ہیں، ہم پالیسیوں کے تسلسل کو یقینی بنائیں گے۔