ساتھ دینے پر شکریہ،ستیانہ روڈ کے تاجروں کی خدمت کرتے رہیں گے

فیصل آباد (سٹاف رپورٹر) انجمن تاجران ستیانہ روڈ کے نائب صدوربابر گجر اور شیخ عمران کی طرف سے ایسوسی ایشن کے عہدیداروں صدر شوکت علی رانا’ سینئر نائب صدر شفاعت علی رانا ‘رانا قدیر حسین جنرل سیکرٹری’ میاں جاوید مسلم سرپرست ‘ حاجی محمد جمیل سرپرست اعلیٰ’ میاں افتخار حسین چیئرمین’ حاجی تفسیر حسین ڈپٹی جنرل سیکرٹری’ رانا خالد محمود’ محمد فیاض بٹ’ سجاد احمد’ محمد ادریس خان لودھی’ محمد نعیم محمد یعقوب بلا’ محمد شہباز کاشف’ حبیب قصائی’ حاجی محمد خالد ‘ محمد ارشد’ شیخ محمد عمران ‘ شیخ سجاد ہمایوں’ حاجی افضال’ نائب صدور’ خواجہ محمد اکرام سیکرٹری نشرواشاعت’ فضل الٰہی فنانس سیکرٹری ‘ حارث لقمان’ احسان چوہدری’ رانا پپو’ جاوید اقبال بلو’ ریحان سلیمی’ حافظ حسنان کے اعزاز میں شاندار استقبالیہ دیا’ استقبالیہ تقریب میں ستیانہ روڈ کے تاجروں اور دکانداروں نے بھرپور شرکت کی ‘ستیانہ روڈ کی نئی کابینہ کا جگہ جگہ پھولوں پتیوں اور آتش بازی سے استقبال کیا گیا’ ستیانہ روڈ گلی نمبر4 میں ریحان سلیمی’ گلی نمبر6 سے حافظ حسنان’ گلی نمبر7 سے محمد شہباز’ سجاد احمد’ادریس خان لودھی اور گلی نمبر9 سجاد ہمایوں اور ان کے ساتھیوں نے صدر شوکت علی رانا اور ان کی پوری کابینہ کا شاندار استقبال کیا اور فلک شگاف نعروں سے ان کا استقبال کیا’ شوکت علی رانا اپنے تمام ساتھیوں کے ہمراہ مرکزی استقبالیہ تقریب میں پہنچنے تو بابر گجر اور شیخ عمران نے اپنے سینکڑوں ساتھیوں سمیت ان کا والہانہ استقبال کیا’ گل پاشی کی اور آتش بازی کا خوبصورت مظاہرہ کیا’ اس موقع پر ڈھول کی تھاپ پر بھنگڑے بھی ڈالے گئے’ استقبالیہ تقریب کے شرکاء سے خطاب کرتے ہوئے صدر شوکت علی رانا’ سینئر نائب صدر شفاعت علی رانا نے کہا کہ ستیانہ روڈ کے تاجروں اور دکانداروں کا جوش اور جذبہ دیکھ کرہمارے حوصلے مزید جواں ہو گئے ہیں’ جی چاہتا ہے اپنا سب کر اپنے تاجر بھائیوں پر نچھاور کر دیں’ ہمیں یوں محسوس ہو رہا ہے جیسے یہ کوئی سیاسی جلسہ ہو رہا ہے اور لوگ ہزاروں کی تعداد میں اپنے محبوب لیڈروں کا خطاب سننے آ رہے ہیں’ انہوں نے ستیانہ روڈ کے تاجروں سے وعدہ کیا کہ ہم آپ کی دی ہوئی طاقت سے آپ کے مسائل حل کروائیں گے’ ہماری دعا ہے کہ اللہ تعالیٰ ہمارا اتفاق و اتحاد یونہی قائم رکھے ‘ انہوں نے خوشی کا اظہار کرتے ہوئے کہا کہ ہم نے ستیانہ روڈ کے تاجروں کی جو خدمت کی تھی وہ رائیگاں نہیں گئی’ آپ جس طرح ہمارا استقبال کر رہے ہیں وہ دیدنی ہے’ انہوں نے کہا کہ ستیانہ روڈ کے تاجروں کا اتفاق دیکھ کر یوں محسوس ہوتا ہے کہ اب ہمیں کوئی محکمہ تنگ نہیں کرے گا ‘استقبالیہ تقریب سے خطاب کرتے ہوئے میاں جاوید مسلم سرپرست’ رانا قدیر حسین جنرل سیکرٹری نے کہا کہ ہم اپنے کپتان شوکت علی رانا کے ساتھ مل کر ستیانہ روڈ کے مسائل حل کروائیں گے’ ہم خدمت کا جذبہ لے کر آئے ہیں’ ہمارے کوئی ذاتی مفاد نہیں ہیں’ انشاء اللہ ہم اجتماعی مسائل کو مل کر حل کریں گے’ انجمن تاجران ستیانہ روڈ کے نومنتخب عہدیداران اپنے صدر شوکت علی رانا کی قیادت میں متحد ہیں اور مشکلات کا مقابلے کرنے کیلئے تیار ہیں’ آخر میں میزبان انجمن تاجران ستیانہ روڈ کے انجمن تاجران ستیانہ روڈ کے نائب صدوربابر گجر اور شیخ عمران نے کہا کہ ہم کل بھی اپنے صدر شوکت علی رانا کے ساتھ تھے’ آج بھی ان کے ساتھ ہیں اور ہراچھے اور برے وقت میں ان کے ساتھ کھڑے رہیں گے’ انہوں نے کہا کہ شوکت علی رانا اور ان کی فیملی کا شاندار ماضی ہمارے سامنے ہے’ انہوں نے ہمیشہ کمزور کی مدد کی ہے اور طاقت ور کا ہاتھ آگے بڑھ کر روکا ہے’ ہم انہیں ان کی شاندار خدمات پر خراج تحسین پیش کرتے ہیں ‘ اس موقع پر انہوں نے ستیانہ روڈ کی تنظیم میں پھر سے جان ڈالنے پر شفاعت علی رانا کے کردار کو سراہا اور انہیں زبردست الفاظ میں خراج تحسین پیش کیا’ انہوں نے کہا کہ ستیانہ روڈ کی تنظیم کو متحد کرنے میں شفاعت علی رانا کی خدمات لائق تحسین ہیں۔