سرکاری کالجز میں نئی بسیں فراہم کرنے کا فیصلہ

لاہور(بیوروچیف)سرکاری کالجز میں ٹرانسپورٹ سہولیات کے فقدان کا معاملہ، محکمہ ہائر ایجوکیشن کالجز کو نئی بسیں فراہم کرے گا، ویمن کالجز کو ترجیح دی جائے گی۔سرکاری کالجز میں ٹرانسپورٹ سہولیات کے فقدان کی صورتحال پر محکمہ ہائر ایجوکیشن کالجز کو نئی بسیں فراہم کرے گا۔پنجاب کی ہر ڈویژن میں آٹھ آٹھ بسیں فراہم کی جائیں گی۔بسیں خواتین اور کو ایجوکیشن والے کالجز کو فراہم کی جائیں گی۔ محکمہ ہائر ایجوکیشن نے ڈائریکٹر کالجز سے کالجز کی نا مز د گیاں مانگ لیں،محکمہ ہائر ایجوکیشن کے مطابق خواتین کالجز کو ترجیح دی جائے گی،صوبہ بھر کے سرکاری کالجز میں ٹرانسپورٹ کی کمی ہے جبکہ بعض خواتین کالجز میں ٹرانسپورٹ موجود ہی نہیں ہے ۔