سرگودھا میں ٹک ٹاک ویڈیو بنانے پر جھگڑا،فائرنگ سے2افراد جاں بحق

سرگودھا (بیوروچیف)سرگودھا کے نواحی علاقے میں ٹک ٹاک کے لیے ویڈیو بنانے کے تنازع پر ہونیوالی فائرنگ کے نتیجے میں 2 افراد جاں بحق ہوگئے۔پولیس کے مطابق گزشتہ رات تحصیل شاہ پور سٹی کے علاقے کنڈ ا ن کے قریب دوگروپوں کے درمیان ویڈیو بنانے اور ویڈیو اپ لوڈ کرنے پر جھگڑا ہوا۔اس دوران فائر نگ سے مسعود نامی نوجوان موقع پر جاں بحق ہوگیا۔ واقعے میں 2 سگے بھائیوں سمیت 5 افراد زخمی بھی ہوئے جن میںسے 55 سالہ شخص ہسپتال میں دم توڑ گیا۔پولیس کے مطابق واقعے میں ملوث ملزمان فرار ہیں، جن کی تلاش جاری ہے۔