سری لنکن بلے باز مندو مینڈس نے بابر اعظم کا ریکارڈ برابر کردیا

گال (سپورٹس نیوز) سری لنکا کے بلے باز کامندو مینڈس نے اپنے کیرئیر میں ایک اور شاندار کامیابی کا اضافہ کیا جب انہوں نے پاکستان کے ایس بلے باز بابر اعظم کا دو سال پرانا ٹیسٹ ریکارڈ برابر کر دیا۔ مینڈس نے یہ سنگ میل نیوزی لینڈ کے خلاف سری لنکا کے دوسرے ٹیسٹ کے پہلے دن ناقابل شکست نصف سنچری بنانے کے بعد حاصل کیا۔مینڈس نے ٹیسٹ کرکٹ میں لگاتار آٹھویں نصف سنچری سکور کی اور بابر اعظم کا ریکارڈ برابر کردیا جنہوں نے 2022 میں یہی کارنامہ انجام دیا تھا۔ 2018 کے بعد سے صرف ان 2 بلے بازوں نے طویل ترین فارمیٹ میں اتنی مستقل مزاجی حاصل کی ہے۔ کامندو مینڈس جو ٹیسٹ میں واپسی کے بعد سے شاندار فارم میں ہیں ،نے ایک نیا ریکارڈ بھی قائم کیا۔وہ ٹیسٹ کی تاریخ کے پہلے بلے باز بن گئے جنہوں نے اپنے پہلے 8 ٹیسٹ میچز میں سے ہر ایک میں ففٹی یا اس سے زیادہ سکور بنائے اور پاکستان کے سعود شکیل کو پیچھے چھوڑ دیا جنہوں نے اس سے قبل لگاتار 7 ففٹی پلس سکورز کے ساتھ یہ ریکارڈ اپنے نام کیا تھا۔لگاتار ٹیسٹ میں سب سے زیادہ 50 سے زیادہ اسکور: ۔ کامندو مینڈس (SL) – 8 میچز*۔ سعود شکیل (PAK) – 7 میچ ۔ برٹ سرکلف (NZ)- 6 میچز ۔ سعید احمد (PAK) – 6 میچ ۔ بیسل بچر (WI) – 6 میچز ۔ سنیل گواسکر (IND) – 6 میچ ۔ کامندو مینڈس نے سری لنکا کے لیے 2022 میں آسٹریلیا کے خلاف گال میں اپنا ٹیسٹ ڈیبیو کیا تھا جس نے عمدہ 61 رنز بنائے جس کی مدد سے سری لنکا کو اننگز کی فتح حاصل ہوئی۔شاندار آغاز کے باوجود وہ اس سال کے شروع میں بنگلہ دیش کے خلاف غیر ملکی سیریز میں فاتحانہ واپسی کرنے کے لیے تقریبا دو سال تک ٹیسٹ ٹیم سے باہر رہے جہاں انھوں نے سلہٹ ٹیسٹ کی دونوں اننگز میں سنچریاں اسکور کیں ۔