سعیدہ امتیاز کامردوں کی ایک سے زائد شادیوں پر دلچسپ تبصرہ

پاکستان شوبز انڈسٹری کی خوبرو اداکارہ سعیدہ امتیاز نے پاکستانی مردوں کے ایک سے زائد شادیاں کرنے پر مایوسی کا اظہار کیا ہے ۔سعیدہ امتیاز نے سوشل میڈیا پراپنی پوسٹ میں لکھا کہ پاکستان کے حالات دیکھنے کے بعد مجھے نہیں لگتا کہ میں کسی پاکستانی سے شادی کرنا چاہوں گی۔انہوں نے لکھا کہ یہاں شادی نہیں شادیاں ہوتی ہیں، میں کسی اور ملک سے کوئی بندہ ڈھونڈ لوں گی۔اداکارہ نے مزید لکھا کہ جیسے یہاں کے وزیراعظم بدلتے ہیں ہردوسال کے بعد ویسے ہی کچھ سالوں بعد بیویاں بھی بدلتی ہیں۔واضح رہے کہ حال ہی میں جب پاکستان کرکٹ ٹیم کے سابق کپتان شعیب ملک نے اداکارہ ثناء جاوید سے شادی کا اعلان کیا تو سوشل میڈیا صارفین حیران رہ گئے اس لیے پچھلے چند روزسے شعیب ملک کی سابق بھارتی ٹینس اسٹارثانیہ مرزا سے طلاق اور اداکارہ ثناء جاوید سے شادی کا موضوع پاکستان اور بھارت میں سوشل میڈیا پر خصوصی توجہ کا مرکز بنا ہوا ہے اورمختلف مشہور شخصیات اور سوشل میڈیا صارفین اس خبر پر اپنے ردعمل کا اظہار کرتے نظر آرہے ہیں۔