سونیا حسین کو ایوارڈ ملنے پر فنکاروں کی مبارکباد

کراچی (شوبز نیوز) پاکستانی شوبز انڈسٹری کی معروف اداکارہ سونیا حسین نے عالمی سطح پر چین اور ملائیشیا کے بعد اب رشین فلم ایوارڈ بھی اپنے نام کیا ہے۔میڈیا رپورٹ کے مطابق اداکارہ سونیا حسین نے روس میں ہونے والی تقریب میں بہترین اداکارہ کا ایوارڈ جیت کر ناصرف ملک کا نام بلند کیا بلکہ پاکستانی فلم انڈسٹری کی عالمی رسائی کو مزید مضبوط بنایا۔سونیا حسین یہ اعزاز حاصل کرنے والی پاکستان کی دوسری اداکارہ بن گئی ہیں۔ اس سے پہلے یہ اعزاز پاکستانی فلم لیجنڈ صبیحہ خانم کے پاس تھا۔ایوارڈ ملنے کے بعد پاکستان میں بھی سونیا حسین کے اعزاز میں ساحل سمندر پر واقع مرینہ کلب میں خصوصی تقریب کا انعقاد کیا گیا جس میں اداکار ہمایوں سعید، عدنان صدیقی، زاہد احمد، یاسر حسین، یشما گل، شازیہ وجاہت، سیف حسن، ایم کیو ایم پاکستان کے رہنما ڈاکٹر فاروق ستارنے شرکت کی۔