سٹاک مارکیٹ میں تیزی

کراچی (بیوروچیف) پاکستان سٹاک ایکسچینج میں کاروباری ہفتے کے تیسرے روز بھی تیزی کا رجحان رہا ، انٹر بینک میںروپے کے مقابلے میں ڈالر بھی سستا ہو گیا۔اسٹاک ایکسچینج میں کاروبار کا مثبت آغاز ہوا ، کاروبار شروع ہوتے ہی 100انڈیکس میں 604پوائنٹس کا اضافہ ریکارڈ کیا گیا جس کے بعد انڈیکس ایک لاکھ 38ہزار 569پوائنٹس پر پہنچ گیا۔واضح رہے گزشتہ روز بھی اسٹاک مارکیٹ میں کاروبار کا مثبت آغاز ہوا تھا تاہم کاروبار کے اختتام پر انڈیکس منفی زون میں چلا گیا تھا۔ دوسری جانب انٹر بینک میں ڈالر کی قیمت میں کمی دیکھی گئی ، ایکسچینج کمپنیز ایسوسی ایشن کے مطابق انٹر بینک میں 5پیسے کی کمی سے ڈالر کی قیمت 283روپے پر آ گئی ہے۔