سکولوں میں ڈینگی اور ملیریا پھیلنے کا خدشہ

لاہور (بیوروچیف)پنجاب بھر کے سکولوں میں زیر تعلیم بچوں میں ڈینگی اور ملیریا پھیلنے کا خدشہ،حکومت پنجاب نے سکول ایجوکیشن ڈیپارٹمنٹ کو ضروری اقدامات کرنے کی ہدایت جاری کردی۔ پنجاب بھر کے سکولوں میں زیر تعلیم بچوں میں ڈینگی اور ملیریا پھیلنے کے خدشہ کے پیش نظر سکول ایجوکیشن ڈیپارٹمنٹ نے تمام ایجوکیشن اتھارٹیز کو سکولوں میں وبا کے تدارک کیلئے فوکل پرسنز تعینات کرنے کا حکم دے دیا۔ سکول ایجوکیشن ڈیپارٹمنٹ نے ہدایت کی ہے کہ فوکل پرسن ملیریا کے ساتھ ڈینگی تدارک کیلئے بھی اقدامات کریں۔احکامات پر عملدرآمد نہ کرنے والے سکول سربراہان کیخلاف کاروائی کی جائے گی۔