سی سی ڈی کیساتھ مبینہ مقابلہ،3ڈاکو اپنے ساتھیوں کی فائرنگ سے ہلاک

وہاڑی(بیوروچیف) وہاڑی میں سی سی ڈی کے ساتھ مبینہ پولیس مقابلہ میں 3 ڈاکو اپنے ہی ساتھیوں کی فائرنگ سے ہلاک جبکہ 3ساتھی فرار ہونے میں کامیاب ہو گئے۔ترجمان سی سی ڈی کے مطابق سی سی ڈی کی ٹیم گشت پر تھی کہ45 ڈبلیو بی کے قریب 6مسلح ڈاکوں نے فائرنگ کر دی، فائرنگ کے تبادلے میں تین ڈاکو اپنے ہی ساتھیوں کی فائرنگ کی زد میں آ کر ہلاک ہو گئے جبکہ تین فرار ہو گئے۔ترجمان نے بتایا کہ فرار ہونیوالے ڈاکوں کی تلاش کے لیے ٹیمیں تشکیل دیدی گئی، سرچ آپریشن جاری ہے۔یہ بھی بتایا کہ ہلاک ڈاکوں کی شناخت محمد اکرم سکنہ 23 ڈبلیو بی، نذر لنگڑیال سکنہ دولت آباد کے ناموں سے ہوئی ہے جبکہ ایک ہلاک ڈاکو کی تاحال شناخت نہ ہو سکی ہے۔سی سی ڈی کے ترجمان نے کہا کہ ہلاک ڈاکو متعدد سنگین جرائم میں ریکارڈ یافتہ تھے۔