شارجہ وارئزر کے پاس شاندار اسکواڈ موجود ہے،کپتان ٹم ساؤتھی

شارجہ (سپورٹس نیوز) شارجہ واریئرز نے نیوزی لینڈ کے بہترین فاسٹ بولر ٹم ساتھی کو ڈی پی ورلڈ آئی ایل ٹی 20 کے آمدہ ایڈیشن کے لئے اسکواڈ میں شامل کرنے کا اعلان کرتے ہوئے کہا ہے وہ شارجہ واریئرز کی قیادت کریں گے۔ گیند کو سوئنگ کرنے کی صلاحیت اور نچلے آرڈر کے بلے بازی کی وجہ سے پہچانے جانے والے ساتھی اپنے کیریئر کے مختلف مراحل میں مختلف فارمیٹس میں نیوزی لینڈ کی کرکٹ ٹیم کی کپتانی کرچکے ہیں۔ 19 برس کی عمر میں اپنے بین الاقوامی کیریئر کا آغاز کرنے والے نیوزی لینڈ کے اس کھلاڑی نے پہلے ٹی 20 انٹرنیشنل کرکٹ میں ڈیبیو کیا جس کے بعد انہوں نے اپنے ملک کے لئے ون ڈے اور ٹیسٹ میں اپنا پہلا میچ کھیلا۔ انگلینڈ کے خلاف ٹی 20 انٹرنیشنل میں ڈیبیو پر ساتھی کی پہلی بین الاقوامی وکٹ پال کولنگ ووڈ کی تھی۔ مجموعی طور پر انہوں نے 126 ٹی 20 انٹرنیشنل میچ کھیلے ہیں اور 16.7 کے اسٹرائیک ریٹ سے 8 کی اکانومی کے ساتھ 164 وکٹیں حاصل کی ہیں ۔شارجہ واریئرز کا کہنا ہے کہ ساتھی کا تجربہ آئی ایل ٹی 20 کے آئندہ سیزن کے لئے ٹیم کو تقویت دے گا۔ آئی ایل ٹی 20 سیزن 3 کا آغاز 11 جنوری سے ہوگا اور شارجہ واریئرز اپنا پہلا میچ 12 جنوری کو گلف جائنٹس کے خلاف کھیلے گی۔