شاہین آفریدیBPL میں فارچیون باریشال کی نمائندگی کرینگے

ڈھاکہ (سپورٹس نیوز) پاکستان کے فاسٹ بالر شاہین آفریدی بنگلہ دیش پریمیئر لیگ (بی پی ایل) میں فارچیون باریشال کی نمائندگی کریں گے۔بنگلہ دیشی اخبار کے مطابق بی پی ایل کی دفاعی چیمپئین فارچیون باریشال نے آج فاسٹ بالر کی باضابطہ دستیابی کا اعلان کیا۔بنگلہ دیش پریمیئر لیگ کا آغاز 30 دسمبر سے ہوگا، ٹورنامنٹ میں سات ٹیمیں شامل ہیں، ڈھاکہ کیپیٹلز، چٹاگونگ کنگز، دربر راج شاہی، فارچیون باریشال، کھلنا ٹائیگرز، رینگپور رائڈرز اور سلہٹ سکسرز ایک مہینے سے زائد تک جاری رہنے والے ایونٹ میں ایکشن میں نظر آئیں گی۔ گروپ اسٹیج میچز میرپور اور سلہٹ میں بھی کھیلے جائیں گے’ پاکستان کرکٹ ٹیم کے فاسٹ بالر شاہین شاہ آفریدی ٹی 20 انٹرنیشنلز میں 100 وکٹیں حاصل کرچکے ہیں۔