صدرمملکت اہلخانہ سمیت52 افراد کیساتھ حج پر روانہ

اسلام آباد(بیوروچیف)صدرِ مملکت ڈاکٹر عارف علوی حج کی سعادت حاصل کرنے کیلئے سعودی عرب چلے گئے ۔صدر عارف علوی قومی ایئر لائن کے خصوصی طیارے پر جدہ روانہ ہوئے، ان کے ہمراہ 52 رکنی وفد بھی حج پر روانہ ہوا ہے۔صدرِ مملکت کی غیر موجودگی میں اب چیئرمین سینیٹ صادق سنجرانی نے قائم مقام صدر کی ذمے داریاں سنبھال لی ہیں۔کابینہ ڈویژن نے چیئرمین سینیٹ صادق سنجرانی کے بطور قائم مقام صدر ذمہ داریاں سنبھالنے کا نوٹیفکیشن جاری کر دیا ہے۔