عازمین حج کے کوائف کی درستگی کیلئے27اکتوبر کی ڈیڈلائن

اسلام آباد (بیوروچیف) وزارت مذہبی امور نے سرکاری عازمین حج 2026سے کہا ہے کہ اگر عازمینِ حجاج کی حج درخواست میں کوائف کی درستگی کی ضرورت ہے (سوائے شناختی کارڈ نمبر اور حج پیکج کے ) تو27 اکتوبر تک متعلقہ بینک برانچ سے درستگی کروا لیں، آن لائن درخواست گزار یہ سہولت دوسری قسط کے دوران حاصل کرسکیں گے۔وزارت کی جانب سے ہدایت کی گئی ہے کہ شناختی کارڈ تصحیح، گروپنگ کے لیے درخواست انچارج آئی ٹی سیل، وزارت مذہبی امور، کوہسار بلاک، پاک سیکرٹریٹ، اسلام آباد کے نام تحریری درخواست بھجوائیں یا مقام روانگی کے متعلقہ حج افسر کو ای میل کریں۔کراچی، سکھر adhcc1@mora.gov.pk 0519205827، لاہور،رحیم یار خان adhcc2@mora.gov.pk 519203910 ملتان، کوئٹہ، فیصل آباد، سیالکوٹ adhcc3@mora.gov.pk 0519201564 اسلام آبادadhcc4@mora.gov.pk 0519207134 رابطہ کرسکتے ہیں ۔