عمران خان کی منتقلی کے بعد اڈیالہ جیل کی سیکورٹی میں اضافہ

راولپنڈی (بیوروچیف)اڈیالہ جیل کی سکیورٹی پر مامور پولیس نفری اور حفاظتی پکٹس میں اضافہ کر دیا گیا۔ سابق وزیراعظم کی اٹک جیل سے اڈیالہ جیل منتقلی کے بعدا سپیشل برانچ راولپنڈی کی جانب سے کئے گئے سکیورٹی آڈٹ اور راولپنڈی پولیس اور جیل حکام کی میٹنگ کے تناظرمیں سینٹرل جیل راولپنڈی کے سکیورٹی پلان پر نظرثانی کی گئی ہے جس کے تحت جیل کے اردگرد پکٹس دو سے بڑھا کر پانچ کردی گئی ہیں یہ پکٹس داہگل گاوں، جیل گیٹ نمبر 5، دیرہ موڑ، شائیگان فیکٹری اور ڈھوک منگا میں لگائی گئی ہیں جہاں 24گھنٹے نفری موجود ہوگی۔ جیل کے باہر تعینات نفری کی تعداد پچاس سے بڑھاکر 103 کردی گئی ہے۔ اڈیالہ جیل سکیورٹی کی اوور آل سپرویژن ایس ایس پی آپریشنز کریں گے۔