عہدوں کیلئے بھاگ دوڑ شروع

اسلام آباد/(بیوروچیف)صدر مملکت کیلئے آصف علی زرداری اور وزارت عظمی کیلئے شہباز شریف کے نام فائنل ہونے کے بعد اب دیگر آئینی عہدوں کیلئے لابنگ شروع ہوگئی۔ ذرائع کے مطابق چیئرمین سینیٹ کیلئے فاروق نائیک سلیم مانڈوی والا شیری رحمن اور یوسف گیلانی کے نام زیر غور ہیں اسپیکر قومی اسمبلی کیلئے ایاز صادق ڈپٹی اسپیکر کیلئے شازیہ مری اور نفیسہ شاہ کے نام زیر غور ہیں۔قائد ایوان سینیٹ کیلئے اسحاق ڈار اور اعظم نذیر تارڑ، گورنر پنجاب کیلئے مخدوم احمد محمود قمر زمان کائرہ اور ندیم افضل چن، وزیراعلی بلوچستان کیلئے سر فراز بگٹی صادق عمرانی اور ثنا اللہ زہری، گورنر خیبر پختونخوا کیلئے فیصل کریم کنڈی شجاع خان یاور نصیر اور امجد آفریدی کا ناموں پر غور کیا جارہا ہے۔گورنر سندھ کا عہدہ ایم کیو ایم کو ملنے کا امکان ہے اور موجودہ گورنر کامران ٹیسوری کے بدستور کام جاری رکھنے کی توقع ہے۔