فلسطینی ٹیکنالوجسٹ کی ایپ تیزی سے مقبول ہونے لگی

بیت المقدس ( مانیٹرنگ ڈیسک )ایک نیا سوشل میڈیا پلیٹ فارم UpScrolledدنیا کے بڑے سوشل میڈیا پلیٹ فارمز جیسے TikTok، Instagramاور X کے مقابلے میں تیزی سے مقبول ہو رہا ہے۔ یہ پلیٹ فارم فلسطینی ٹیکنالوجسٹ عصام حجازی نے بنایا ہے اور اسے ایک غیر سنسر شدہ اور آزادی اظہار کا پلیٹ فارم قرار دیا جا رہا ہے۔ UpScrolled نے ایپل کے App Store میں امریکا، برطانیہ اور آسٹریلیا میں سب سے زیادہ ڈانلوڈ ہونے والے سوشل میڈیا ایپ کا اعزاز حاصل کر لیا ہے۔ پاکستان میں یہ ایپ آٹھویں نمبر پر ہے۔عصام حجازی کے مطابق، یہ ایپ غزہ پر اسرائیل کی جنگ کے بعد بنائی گئی، جب سوشل میڈیا پر جنگ کے بارے میں مواد پر کنٹرول سخت ہو گیا تھا۔ حجازی نے بتایا:میں آزاد صحافیوں اور آن لائن ایکٹیوسٹس سے خبریں حاصل کر رہا تھا اور خود بھی پوسٹ شیئر کر رہا تھا۔ لیکن جیسے جیسے مہینے گزرتے گئے، ہر چیز ہلاکتیں، وقت، عمارتوں کا نقصان، یرغمالیوں کی تعداد بڑھ رہی تھی، اور صرف آن لائن رسائی کم ہو رہی تھی۔ سچائی کو خاموش یا دبایا جا رہا تھا۔انہوں نے کہا کہ اپنی کمیونٹی کی آواز بلند کرنے کا دبا انہیں اس ایپ کو بنانے کی تحریک ملا اور اسی وجہ سے انہوں نے اپنی کارپوریٹ نوکری چھوڑ دی۔UpScrolled کی ترتیب Instagram جیسی ہے اور اس میں دو فیڈز موجود ہیں:Following Feed: یہاں صارفین کے منتخب کردہ تخلیق کاروں کی پوسٹس کرونولوجیکل (وقت کے حساب سے) ترتیب میں آتی ہیں۔Discover Feed: یہاں مشہور پوسٹس آتی ہیں، جن میں وقت کے ساتھ معمولی تبدیلی اور تھوڑی رینڈمنس بھی شامل ہوتی ہے تاکہ مواد تازہ رہے۔پلیٹ فارم کسی بھی سیاسی یا تجارتی ایجنڈے کو آگے نہیں بڑھاتا۔کمیونٹی گائیڈلائنز یا قانون کی خلاف ورزی کرنے والی پوسٹس کی ماڈریشن انسان کی نگرانی میں، شفاف اور غیر سیاسی انداز میں کی جائے گی۔حجازی نے کہا کہ UpScrolled کوئی نیا آئیڈیا نہیں بلکہ سوشل میڈیا کی اصل روح کی طرف واپسی ہے۔میں چاہتا ہوں کہ UpScrolled ہر ایک کا پلیٹ فارم ہو۔ سیاست اس کے تخلیق کی وجہ تھی، لیکن کامیابی اس کی کمیونٹی اور متنوع مواد میں ہے۔حجازی نے بتایا کہ انہوں نے یہ پلیٹ فارم خود بنایا اور اپنی ہی فنانسنگ کے ساتھ چلایا جا رہا ہے، کسی بڑے ٹیک کمپنی یا وینچر کیپیٹل سے فنڈنگ نہیں لی گئی۔ اس کی مقبولیت کے باعث ایپ ایک دن کے لیے ڈان ہو گئی، کیونکہ نئے صارفین کی تعداد نے سرورز پر دبا ڈال دیا۔ ٹیم نے کہا کہ وہ اس مسئلے کو حل کرنے کے لیے سسٹم کو اپ گریڈ کر رہے ہیں۔UpScrolled کی کامیابی اس وقت سامنے آئی جب TikTok کی امریکی شاخ ایک زیادہ تر امریکی ملکیت والے وینچر کے کنٹرول میں آ گئی، جسے کونسل آن امریکن اسلامک ریلیشنز نے پرو-اسرائیل قرار دیا۔ تھنک ٹینک نے UpScrolled کی آزادی اظہار کے تحفظ کے لیے تعریف کی، خاص طور پر TikTok کی سنسرشپ کے تناظر میں۔