فلم ”ہم ساتھ ساتھ ہیں”میں کام کرنے سے انکار نہیں کیا تھا،مادھوری ڈکشت

ممبئی(شوبز نیوز) معروف بالی وڈ اداکارہ مادھوری ڈکشت نے 1999 میں ریلیز ہونے والی ملٹی اسٹارر فلم ہم ساتھ ساتھ ہیں سے متعلق حیران کن انکشاف کر دیا۔انڈین میڈیا کے مطابق افواہیں ہیں کہ مادھوری ڈکشت کو فلم میں کردار کی پیشکش ہوئی تھی تاہم اداکارہ نے خود ہی کام کرنے سے انکار کر دیا تھا۔فلم کو ریلیز ہوئے 25 سال گزر چکے ہیں اور حالیہ انٹرویو میں مادھوری ڈکشت نے ان افواہیں کی تردید کی کہ انہوں نے خود فلم میں کام کرنے سے انکار کیا۔مادھوری ڈکشت نے کہا کہ میں نے ہم ساتھ ساتھ ہیں میں کام کرنے سے انکار نہیں کیا تھا، فلمسازوں کو محسوس ہوا کہ اگر میں سلمان خان کی بھابھی کا کردار ادا کروں گی تو عجیب سا لگے گا، خاص کر اس وقت جب وہ آ کر میرے پاں چھوئے گا۔وہ مزید کہتی ہیں کہ یہ وہ چیزیں ہیں جن کا فیصلہ میں نے نہیں کیا تھا، ڈائریکٹر سورج نے کہا تھا کہ وہ مجھے اس کردار کیلیے کاسٹ کرنا عجیب محسوس کر رہے ہیں۔بعدازاں فلم میں سلمان خان اور سیف علی خان کی بھابھی کا کردار معروف اداکارہ تبو کو سونپا گیا تھا۔اس سے قبل ایک انٹرویو میں مادھوری ڈکشت نے کہا تھا کہ اگر آپ مجھے تبو کی جگہ پر بٹھاتے اور سلمان خان کو میرے پیروں کو چھوتے ہوئے دیکھتے تو مجھے لگتا ہے کہ لوگ تھیٹروں سے بھاگ جاتے۔