فنڈز کے اجراء کے بعد سرگودھا میں ترقیاتی منصوبوں کا آغاز کردیا گیا

سرگودھا (بیوروچیف) سرگودھا کے مختلف ترقیاتی منصوبوں کیلئے فنڈز کا اجراء ہونے کیساتھ ساتھ کام کا آغاز مختلف منصوبوں پر کردیا گیا ہے جس سے لوگوں کے بہت سے مسائل حل کرنے میں مدد ملے گی سرگودھا فیصل آباد بائی پاس سے میاں نواز شریف کالج کے سامنے والی سڑک کی تعمیر کیلئے بھی حکومت سے فنڈز کی استدعا کی ہے یہ روڈ مکمل طور پر تباہ ہوچکا ہے ان خیالات کا اظہار رکن قومی اسمبلی ڈاکٹر ذوالفقار علی بھٹی نے کیا انہوں نے کہا کہ اس روڈ پر روزانہ کی بنیاد پر چھوٹی بڑی گاڑیاں گزرتی ہیں مگر روڈ کی حالت انتہائی خستہ ہے جس سے ڈکیتی کی وارداتیں ہونے کا امکان ہے اس لئے حکومت سے کہا ہے کہ وہ ترجیح بنیادوں پر اس روڈ کیلئے فنڈز کا اجراء کریں تاکہ لوگوں کو کسی قسم کی مشکلات کا سامنا نہ کرنا پڑے۔