فوڈ سیفٹی ٹیم کا پنیر بنانے والی فیکٹری پر چھاپہ

ساہیوال(بیوروچیف) ڈائریکٹر جنرل پنجاب فوڈ اتھارٹی کی ہدایت پر خوراک میں جعلسازی کرنے والوں کیخلاف پنجاب فوڈ اتھارٹی کی کارروائیاں جاری ہیں۔ تفصیلات کے مطابق فوڈ سیفٹی ٹیم کا پنیر بنانے والی فیکٹری پر چھاپہ۔ کارروائی چک نمبر 45 جی ڈی نور شاہ روڈ پر کی گئی۔انسپکشن کے دوران بدبودار اور فنگس زدہ پنیر سٹور کیا گیا تھا۔ خوراک کی تیاری میں کھلے رنگ اور ناقابل سراغ اجزاء کی ملاوٹ بھی کی جارہی تھی۔ سٹوریج ایریا میں گندگی اور صفائی کے انتہائی ناقص انتظامات پائے گئے۔ فوڈ سیفٹی ٹیم نے غیر معیاری پنیر موقع پر تلف کردیا۔ اس موقع پر ڈی جی فوڈ اتھارٹی کا کہنا تھا کہ غیر معیاری خوراک کی ترسیل کرنے والوں کیخلاف سخت کارروائی عمل میں لائی جائے گی۔