فیصل آباد میں خواتین کے اغواء کے واقعات خوفناک حد تک بڑھ گئے

فیصل آباد(سٹاف رپورٹر)اوباش افراد نے دوشیزہ کوبے آبرو کردیا جبکہ مختلف مقامات پر سبزباغ دکھاتے ہوئے 6خواتین اور3افراد کو اغواء کرلیاگیا پولیس نے کارروائی عمل میں لاتے ہوئے الگ الگ مقدمات درج کرکے مغویان کی بازیابی کیلئے ملزمان کی تلاش شروع کردی۔ تفصیل کے مطابق تھانہ باہلک کے علاقہ پنڈی شیخ موسیٰ کی رہائشی اکبربی بی نے بتایا کہ اوباش عدیل گھرداخل ہوا اور زبردستی ہوس کا نشانہ بناکر فرار ہوگیا۔تھانہ سرگودھا کے علاقہ گلستان کالونی کے بلاک کے رہائشی اصغرنے بتایا کہ اسکی جواں سالہ بیٹی(و)بازار سے سودا سلف لینے جارہی تھی کہ اوباش ملزم وحید نے خواتین ساتھی کی مدد سے اغواء کر لیا ڈجکوٹ کے علاقہ 269ر۔ب کے رہائشی اللہ رکھا کا کہنا ہے کہ ملزمان عمران وغیرہ نے اسکی بیٹی(ر)کواغواء کر لیا روشن والا کے علاقہ 269ر۔ب کے رہائشی الیاس کی جواں سالہ بیٹی(ک)کوملزمان رحمان وغیرہ،ٹھیکریوالہ کے علاقہ 75ج ب کے رہائشی امان اللہ کی بیٹی(ش)کونامعلوم ملزمان،تھانہ ستیانہ کے علاقہ 433گ ب کے رہائشی اکرم کی اہلیہ(و)کوملزمان ابراہیم وغیرہ اورقصبہ تاندلیانوالہ کے بشیراحمد کی بھانجی (س) کو بازار جاتے ہوئے نامعلوم ملزمان اٹھا کر لے گئے ۔علاوہ ازیں تھانہ بلوچنی کے علاقہ 61ر۔ب کے رہائشی سیف اللہ نے بتایا کہ اس کا اٹھارہ سالہ بیٹا حسنین گھرسے ڈیوٹی پرگیا واپس نہ آیا،ڈجکوٹ کے علاقہ 269ر۔ب کے رہائشی منصورانجم نے پولیس رپورٹ میں بتایا کہ اس کے بھانجے ابوہریرہ کو اغواء کرلیا اس نے ملزمان احمد وغیرہ پراغواء کرنیکا شبہ ظاہر کیا ہے اورتھانہ گلبرگ کے علاقہ اے بی سی روڈ کے رہائشی فہد نے بتایا کہ اس کا والد محمود گھر سے باہر گیا جوکہ واپس نہ آیا تلاش کرنے کے باوجود بھی کوئی سراغ نہ مل سکا تاہم پولیس نے کارروائی عمل میں لاتے ہوئے مغویان کی بازیابی کیلئے ملزمان کی تلاش شروع کردی ہے۔