فیصل آباد میں 84 ڈاکے ‘ مزاحمت پر 1خاتون قتل دوسری شدید زخمی

فیصل آباد’ مرید والہ(سٹاف رپورٹر’ نامہ نگار)فیصل آباد میں ڈکیتی راہزنی اورچوری کی 84وارداتوں کے دوران لاکھوں کے زیورات’نقدی’ موٹر سائیکلیں اورقیمتی سامان لوٹ لیاگیا جبکہ اتھرے ڈاکوئوں نے مزاحمت کرنے پر خاتون کوگولیاں مار کر لہولہان کردیا پولیس شہربھرکی ناکہ بندیوں کے باوجود سماج دشمن عناصر کے گروہوں کوپکڑنے میں کامیاب نہ ہوسکی۔تفصیل کے مطابق تھانہ صدر کے علاقہ 228ر۔ب کے رہائشی یوسف نے بتایا کہ ڈاکوئوں کا چاررکنی گروہ ان کے گھرداخل ہوا اور اہل خانہ کویرغمال بنا کر نقدی اورقیمتی سامان لوٹنے کے دوران مزاحمت کرنے پر والدہ کوگولی مار کر زخمی کرکے فرار ہوگیا۔اسلام نگر کے بلال سے 3مسلح ڈاکوئوں نے 2لاکھ ستر ہزار’موبائل فون چھین لیا’ڈائیوو روڈ پر کوٹیج مارکی کے قریب انور سے سوا لاکھ روپے’ فون’ڈیرہ سائیں قبرستان کے قریب اشرف سے ڈیڑھ لاکھ روپے طلائی زیورات اورفون’گلبرگ کے علاقہ ٹائیلاں والا قبرستان کے قریب غلام حسین سے 53ہزار روپے’فون’ثناپارک کے قریب احسان الحق سے موٹرسائیکل نقدی فون’اعظم آباد کے قریب محمد احمد سے 20لاکھ ‘فون’تھانہ ملت ٹائون کا سجاد کارپر جارہا تھا کہ دھنولہ کے قریب 4مسلح ڈاکوئوں نے روک کر زبردستی کارمیں بیٹھ کر یرغمال بنا لیا اورمیاں چنوں کے قریب پھینک کر 45لاکھ کی کار’نقدی اورفون چھین کر لے گئے۔ہجویری ٹائون کے حنیف سے 25ہزار روپے ‘فون’حاجی آباد کے قریب رضوان سے 25ہزار روپے’فون’گلستان کالونی کے بلاک کے امانت علی ‘حافظ عبدالرحمان سے پچاس ہزار’فون’منصورآباد کے علاقہ کینال روڈ پر ڈاکوئوں نے شادی کے فنکشن کے بعد فوٹوگرافرعزیز سے ڈرون کیمرے’نقدی اور فون چھین لیا۔اسلم گنج کے قریب حیدرعلی سے نقدی فون’سوساں روڈ حبیب عامر سے نقدی’طلائی انگوٹھی’کینال روڈ پر رحمت علی سے نقدی فون’204ر۔ب کے قاسم سے نقدی’فونز’سوساں روڈ پراظہر سے پرس’فون’نعمت کالونی نمبردو کے طلحہ سے نقدی ‘فون’سوساں روڈ اسلامی بنک کے قریب زاہد ارشد رقم نکلوا کرنکلا توڈاکو 46ہزار فون’بٹالہ کالونی کے عزیز ‘سہیل آباد کے رہائشی انیس عباس نے بتایا کہ وہ امریکہ سے واپس آیا تھاکہ اہلیہ کے ہمراہ جارہا تھاکہ موٹرسائیکل سوارڈاکو 80ہزارروپے’چھ تولے طلائی زیورات اورموبائل فون چھین کر لے گئے’ محمود ٹائون میں سکندر مسیح سے فون نقدی’92گ کے بشیر سے موٹرسائیکل نقدی’فون’263ر۔ب کے حافظ حسان نواز سے نقدی’فون 258ر۔ب کے جرارحسین سے نقدی فون’فلیٹ چوک سرسیدٹائون کے قریب محمد حسین سے نقدی فون چھین لیاگیا’ریلوے پھاٹک کے قریب خاتون صفیہ عدیل کو ہراساں کرکے ڈاکو زیورات’نقدی اورفون چھین کر لے گئے’ناظم آباد کے قریب نوید احمد سے نقدی فون’ٹاٹا بازار کے قریب سہیل اخترسے نقدی اور بیگ چھین لیاگیا’خالد آباد کے قریب شاہ زیب سے ایک لاکھ اسی ہزار روپے فون’گئوشالہ موڑکے قریب شریف عرفان سے چالیس ہزار’فون’ناظم آباد کے قریب جاوید اقبال سے پرس اور فون چھین لیا’گئوشالہ موڑ پر رئوف سے نقدی فون’رحمانیہ روڈ پر افتخارالحسن سے ایک لاکھ اسی ہزار روپے’ فون’رسالہ روڈ پر بلال سے نقدی’ فون چھین لیاگیا’جگہ جگہ نہتے شہری لٹتے رہے پولیس خاموش تماشائی کا کردار اداکرتی رہی اورکسی بھی گروہ کوگرفتارکرنے میں کامیاب نہ ہوسکی۔جبکہ سول ہسپتال سے ملک زریاب’ ریاض شاہد چوک سے آصف علی’ افغان آباد سے خضرحیات’ خالد ٹائون سے طارق علی’ اعظم آباد کے نعمان’ کوکیانوالہ کے ظہیر عباس’ باوا چک کے عارف حسین’ 117 ج ب کے محمد عامر’ محمود آباد کے مشتاق احمد’ چھوٹی ڈی گرائونڈ سے باسط علی’ فتح آباد سے ندیم’ رائل مارکی سے بلال’ ڈی گرائونڈ سے رضوان علی’ عبداﷲ پور سے محسن سجاد’ مدینہ پارک سے اعجاز خان’ کوہ نور چوک سے محمد عمر’ سمن آباد سے قیوم’ مدنی چوک سے عمیر علی’ 263 رب کے اسلم’ فن دنیا کے باہر سے ندیم عارف’ خالد آباد سے نعمان جاوید’ کینال برگ کالونی سے نبیل احمد’ سرسیدٹائون سے اقبال’ ناظم آباد کے شہباز کی موٹرسائیکلیں چور لے اُڑے۔ علاوہ ازیں لاری اڈا کے قریب نامعلوم ملزمان شہری فیصل مسیح سے 70ہزار روپے لیکر فرار ہو گئے’ مراد آباد کے ارشد کے گودام کے تالے توڑ کر لاکھوں مالیت کا سوتر’ کپڑا چور لے گئے’ بابر کالونی کوکیانوالہ روڈ کے فاروق کے گھر کا صفایا کر دیا گیا’ مدینہ آباد سے احمد عمر کی فیکٹری کے تالے توڑ کر لاکھوں کا سامان چور لے گئے’ 51 ج ب کے عمر حیات کے ڈیرے سے بکرے’ 8ج ب کے حافظ رمضان کے گھر سے بھاری مالیت کا سامان’ 202 رب کے زاہد کے گھر کے باہر سے لال پمپ’ گرین ٹائون کے امین کے گھر چوری’ خالصہ کالج کے عقب سے شفیع کے گھر کے تالے توڑ کر تین لاکھ کا سامان چور لے گئے’ ستیانہ روڈ پر مصباح جان کے گھر سے سوئی گیس کا میٹر’ مجاہد آباد کے کارخانہ سے بھاری مالیت کا سامان چور لے اُڑے’ نوابانوالہ میں آصف مختار کے گھر سے لاکھوں کا سامان’ منان ٹائون کے رانا محمد صابر کے گھر کے تالے توڑ کر چار لاکھ روپے مالیت کا سامان چوری’ شیخاں والا پھاٹک کے قریب سلیم کے گودام سے 15 بورے’ عیدگاہ روڈ پر فہیم غوری کی فیکٹری’ مظفرکالونی کے صدیق کے گھر’ داتا چوک کے معراج دین کی دکان’ کوئلہ پارک کے قریب عاصم کی دکان’ مظفر کالونی کے اسرار کی دکان’ محمود ٹائون کے عقیل مسیح کی دکان کے تالے توڑ کر لاکھوں کا سامان چور لے اُڑے’ 264 رب کے جابر حسین کی ڈھاری سے مویشی’ ڈجکوٹ کے قریب عثمان سے موٹرسائیکل’ نقدی’ خواجہ ٹریول کے قریب طارق کا سامان چور لے اُڑے’ مومن آباد کے رشید احمد کی دکان سے موبائل فونز’ ماڈل بازار سے احسان الحق کی دکان کے تالے توڑ کر لاکھوں کا سامان چور لے گئے’ حسن اشرف کی دکان سے لاکھوں روپے مالیت کے سوٹ ودیگر سامان چوری کر لیا۔ منروا روڈ پر اعجاز کی دکان سے 50ٹین گھی’ ایوب کالونی سے محمد صالح کے گھر کا صفایا کر دیا گیا’ 238 گ ب کے افضال حسین کے ڈیرہ سے لاکھوں کے مویشی اور 219 گ ب کے یوسف خاں کے کیٹل فارم کے باہر سے ٹرانسفارمر چور لے اُڑے۔ علاوہ ازیں تھانہ مریدوالہ کے علاقہ479 گ ب موٹر وے پل کے نیچے تین نامعلوم مسلح ڈاکوئوں کی فائرنگ سے خاتون جاںبحق ہوگئی تفصیلات کے مطابق 479 گ ب کا رہائشی محمد فاروق جٹ اپنی اہلیہ ساجدہ پروین کے ساتھ جارہا تھاکہ موٹر وے پل کے نیچے گزرتے ہوئے تین نامعلوم مسلح ڈاکو جو کہ ناکہ لگا کر راہ گیروں کو لوٹ رہے تھے انکو لوٹنے کی کوشش کی جس پر خاتون نے مزاحمت کی کوشش کی تو انہوں نے ساجد کے سے میں گولی مار دی جسکے باعث وہ زخموں کی تاب نہ لاتے ہوئے موقع پر جاںبحق ہوگئی واقعہ کی اطلاع ملتے ہی اے ایس پی سمندری ،ایس پی صدر اور ایس ایچ او تھانہ مریدوالہ پولیس کی بھاری نفری کے ہمراہ موقع پر پہنچ گئے پولیس نے تین نامعلوم ڈاکوئوں کے خلاف مقدمہ درج کرکے تلاش شروع کردی ہے۔