فیفا ورلڈ کپ 2026ء کے ڈراز کا اعلان’ 48ٹیمیں 12گروپس میں تقسیم

نیویارک(سپورٹس نیوز) فیفا ورلڈ کپ 2026 کا اعلان کردیا گیا جس کیلئے 48 ٹیموں کو 12 گروپس میں تقسیم کیا گیا ہے۔فیفا ورلڈ کپ 2026 کا میگا ایونٹ اگلے برس تین ممالک میں کھیلا جائے گا، امریکا، کینیڈا اور میکسیکو مشترکہ طور پر فیفا ورلڈ کپ 2026 کی میزبانی کریں گے۔میگا ایونٹ کے گروپ اے میں میزبان میکسیکو، جنوبی افریقہ، جنوبی کوریا اور پلے ڈی سے کوالیفائر ٹیم شامل کی جائے گی، گروپ بی میں میزبان کینیڈا، قطر، سوئٹزرلینڈ اور یو ایفا پلے آف اے کی ٹیم شامل ہے، گروپ بی کی چوتھی ٹیم ویلز یا نادرن آئرلینڈ میں سے ایک ہوگی گروپ سی میں برازیل، مراکش، سکاٹ لینڈ اور ہیٹی شامل ہیں جبکہ گروپ ڈی میں میزبان امریکا، آسٹریلیا، پیراگوئے اور یو ایفا پلے آف سی کی کوالیفائر ٹیم شامل ہوگی، گروپ ای میں جرمنی، ایکواڈور، آئیوری کوسٹ اور کوراکاو شامل ہیں جبکہ گروپ ایف میں نیدر لینڈز، جاپان، تیونس اور یو یفا کوالیفائر بی سے ٹیم میں شامل کیا جائیگا۔