قائداعظم سپورٹس گالا ٹورنامنٹ میں شائقین کی دلچسپی

سرگودھا (بیوروچیف) پریس کلب کے زیر اہتمام فلڈ لائٹ قائد اعظم سپورٹس گالا کرکٹ ٹورنامنٹ کے آٹھوں روز مہمان خصوصی سپریٹنڈنٹ جیل سرگودھا ابوبکر عبداللہ تھے،صدر سرگودہا پریس کلب مہر آصف حنیف،جنرل سیکرٹری راناساجداقبال، نائب صدر عثمان شیخ، جوائنٹ سیکرٹری سلیمان معظم، چیف آرگنائزر طارق قریشی،آرگنائزر تصور ملیانہ، رانا اشرف،سمیت دیگر عہدیداران، ممبران نے معزز مہمان کا پریس کلب آمد پر استقبال کیا اور انھیں پھولوں کے ہار پہنائے، گراؤنڈ میں ان کا کھلاڑیوں سے تعارف کرایا گیا اور انھوں نے بیٹ سے شاٹ لگا کر میچ کا افتتاح کیا، گراؤنڈ میں عہدیداران، ممبران اور شائقین کی بڑی تعداد بھی موجود تھی۔صحافی ٹیموں کے درمیان انتہائی سنسنی خیز اور دلچسپ مقابلہ ہوا جیتنے والی ٹیم کے کھلاڑیوں شائقین کے ہمراہ گراؤنڈ میں جشن منایا۔