قبلہ اول سے اسرائیل کاقبضہ ختم کرانا ضروری ہے ، سیرة النبی ۖ کانفرنس سے مقررین کا خطاب

گوجرہ(نامہ نگار)مرکزی جمعیت اہلحدیث پاکستان کے معروف عالم دین مولانا قاری محمد بنیامین عابد،مولاناقاری محمد الیاس مدنی، ،عبدا لقا در عثمان،مولانا محمد عمران شاکر صدر AYF تحصیل گوجرہ نے کہاہے کہ حکومت پاکستان فلسطین کے مسئلے پر اسلامی سربراہی کانفرنس بلائے اور فلسطینیوںکو اسرائیلی دہشت گردی سے نجات دلانے کیلئے اپنا بھر پورکردار اداکرے۔ بڑی قوتیں مسلمانوں کے مقابلے میں متحد ہیں تو مسلم حکمران اور سیاستدان ایک کیوں نہیں ہیں ۔ قبلہ اول سے ناجائز ریاست اسرائیل کا قبضہ ختم کرانا بہت ضروری ہے ۔ان خیالات کا اظہار انہوں نے چک نمبر369ج ب جودھا نگری میں جامع مسجد محمدی اہلحدیث اور چک نمبر414ج ب میں جامع مسجد حسنین کریمین اہلحدیث میں درس قرآن اور سیرة النبیۖ کانفرنس سے خطاب کرتے ہو ئے کیا۔اس موقع پر میاں محمد افضل ناظم اعلی ،میاں محمد ارشد نمبردار،صوفی مقبول احمد،مولانامحمد ذکریا بھی موجود تھے۔علماء اکرام نے کہاکہ فلسطینی مسلمان پاکستان سمیت اسلامی ممالک کی طرف خصوصی نگاہوں سے دیکھتے ہیںکیونکہ پاکستان عالم اسلام کی اٹیمی قوت ہو نے کے باعث ان کی امیدوں کا مرکز ہے ۔انہوں نے مطالبہ کیاکہ مظلوم فلسطینی مسلمانوں پر جاری اسرائیلی دہشت گردی اوربربریت کوفوری طور پر بند کرایاجائے۔