قطر کا شادی شدہ جوڑوں کو24ہزار ریال الاؤنس دینے کا فیصلہ

قطر (مانیٹرنگ ڈیسک )قطر نے شادی شدہ جوڑوں کے لیے 24ہزار ریال الاؤنس متعارف کروادیا ۔قطر نے اپنے شہری انسانی وسائل کے قانون میں اہم ترامیم کا اعلان کردیاہے جس میں نئی مالی مراعات شامل ہیں جن کا مقصد خاندانی استحکام کو مضبوط بنانا اور پبلک سیکٹر کی افرادی قوت کی کارکردگی کو بڑھانا ہے۔ رپورٹ کے مطابق شیخ تمیم بن حمد الثانی کی طرف سے 2025 کے قانون نمبر 25 کے تحت جاری کردہ ترامیم میں قطری میاں بیوی دونوں کے لیے ازدواجی الاونس جو ہر ایک کے لیے 12,000 QAR سالانہ شادی کی ترغیب شامل ہے۔یہ قانون 2016 کے قانون نمبر 15 پر نظرثانی شدہ ہے اور اسے 2025 کے کابینہ کے فیصلے نمبر 34 سے تعاون حاصل ہے جو ایگزیکٹو ضابطوں کو اپ ڈیٹ کرتا ہے۔سول سروس اور گورنمنٹ ڈویلپمنٹ بیورو کے صدر اور نیشنل پلاننگ کونسل کے سیکرٹری جنرل ڈاکٹر عبدالعزیز بن ناصر بن مبارک الخلیفہ کاکہناہے کہ یہ نظرثانی ایک متوازن قانون سازی کی ترقی کی نمائندگی کرتی ہے۔