لگتا ہے قومی ٹیم کو میری ضرورت نہیں رہی’ آصف علی

لاہور (سپورٹس نیوز) بین الاقوامی کرکٹ میں ایک دور میں پاکستان کے گو ٹو فنشر کہلائے جانے والے پاور ہٹر آصف علی نے اپنی خاموشی توڑتے ہوئے بتا دیا کہ وہ اس وقت قومی ٹیم میں ممکنہ واپسی کے حوالے سے کہاں کھڑے ہیں، تجربہ کار بیٹر کے ذہن میں یہ بات بالکل واضح ہے کہ ٹیم میں واپسی اس کے ذہن میں نہیں ہے۔آصف علی نے ایک واضح تبصرہ میں کہا کہ “میں کرکٹ کھیل رہا ہوں اور واپسی کے بارے میں زیادہ سوچا نہیں ہے اور نہ ہی یہ ابھی میرا بنیادی مقصد ہے”۔لاہور قلندرز کے لیے ڈیتھ اوورز میں اپنی دھماکہ خیز ہٹنگ اور گیم بدلنے والے کیمیوز کے لیے مشہور آصف 2018 اور 2022 کے درمیان پاکستان کے محدود اوورز کے سیٹ اپ کا ایک باقاعدہ حصہ تھے جس میں 2021 کے ٹی ٹونٹی ورلڈ کپ کے دوران ان کا ایک اہم کردار تھا جہاں ان کی افغانستان کیخلاف ایک اوور میں 4 چھکوں کی یادگار باری بھی شامل تھی۔