محرم الحرام کی آمد سے قبل امامیہ الائنس سرگودھا کی میٹنگ

سرگودھا (بیورو چیف) محرم الحرام کی آمد سے قبل امامیہ الائنس ضلع سرگودھا کے زیر اہتمام سالانہ میٹنگ زیر صدارت سردار ربنواز خان لاہڑی امام بارگاہ بلاک نمبر7میں منعقد ہوئی جس سے خطاب کرتے ہوئے مولانا عمران علی رانجھا’ مولانا ملک نصیر حسن’ ملک اظہر الحسین’ کرنل محمد اصغر میکن’ سید تبسم شیرازی’ علی رضا باجوہ’ ذوالفقا ر باجوہ’ عون باجوہ’ احسن رضا خان’ عمار یاسر خان’ عنصر خان بلوچ’ جعفر علی نقوی’ اعجاز حسین شیراز ی’ طاہر کرمانی’ مجاہد بخاری’ قلندر خان سمیت دیگر نے کہا کہ سرگودھا میں عزاء داری کے حوالہ سے انتظامی امور کی بجا آوری تحصیل سطح پر امام بارگاہوں کے نمائندہ کمیٹیوں کی تشکیل اور عزاء داری میں حائل انتظامی امور میں رکاوٹوں کے مسائل پر سیر حاصل گفتگو کی گئی مقررین نے کہا کہ ہم ایام غم میں درس کربلا کے منشور کو دنیا تک پھیلانے کو عبادت سمجھتے ہیں۔