مدن پورہ کے قریب پولیس مقابلہ 2ڈاکو بھائی زخمی حالت میں گرفتار

فیصل آباد(سٹاف رپورٹر)غلام محمد آباد کے علاقہ مدن پورہ شیراں والا چوک کے قریب مبینہ پولیس مقابلہ کے دوران گولیاں لگنے سے 2ڈاکو بھائی زخمی حالت میں پکڑے گئے۔زخمیوں کوطی امداد کی غرض سے ہسپتال منتقل کردیاگیا۔پولیس مصروف تفتیش ہے۔بتایا جاتا ہے کہ مدن پورہ شیراں والا چوک کے قریب ڈولفن فورس نے مشکوک موٹرسائیکل سواروں کو رکنے کا اشارہ کیا توانہوں نے موٹرسائیکل بھاگتے ہوئے پولیس پرفائرنگ کردی۔ ڈولفن فورس نے وائرلیس پرمقابلہ کی اطلاع کرتے ہوئے تعاقب کیا توجوابی فائرنگ کے دوران گولیاں لگنے سے دونوں موٹرسائیکل سوار ڈاکو زخمی ہوکر گرپڑے توپولیس پارٹی نے گھیرا ڈال کر اسلحہ سمیت پکڑ لیا جن کی شناخت 30سالہ جواد ولد غلام سرور اور 35سالہ عمیرولد غلام سرور سکنہ نڑوالا ولی پورہ کے ناموں سے ہوئی تاہم ریسکیو1122نے مضروبان کو طبی امداد فراہم کرتے ہوئے ہسپتال منتقل کردیا پولیس مصروف تفتیش ہے۔