مرکزی علماء کونسل پاکستان نے لیگی امیدواروں کی حمایت کردی

فیصل آباد (سٹاف رپورٹر) مرکزی علما کونسل پاکستان نے عام انتخابات8 فروری 2024 میں پاکستان مسلم لیگ (ن) کی حمایت کا اعلان کردیا رانا ثنا اللہ اور مولانا زاہد محمود قاسمی کی مشترکہ پریس کانفرنس پریس کانفرنس میں مرکزی علما کونسل پاکستان کے چیئرمین صاحبزادہ زاہد محمود قاسمی سابق وفاقی وزیر داخلہ و صدر مسلم لیگ(ن)پنجاب رانا ثنا اللہ خان وائس چیئرمین مرکزی علما کونسل صاحبزادہ پیر جی خالد محمود قاسمی مرکزی علما کونسل کے سیکرٹری جنرل علامہ شاہ نواز فاروقی ڈپٹی سیکرٹری جنرل علامہ شبیر احمد عثمانی ڈویژن صدر مسلم لیگ (ن) فیصل آباد حاجی محمد اکرم انصاری امیدوار قومی اسمبلی این اے103، عبدالرزاق ملک امید وار پی پی118 سابق ایم پی اے محمد نواز ملک صاحبزادہ حافظ محمد امجد جنرل سیکرٹری پاکستان مسلم لیگ (ن) علما و مشائخ ونگ پنجاب مولانا ابوسفیان حنفی سینئر نائب صدر پنجاب مولانا حبیب الرحمن ضیا نائب صدر پنجاب مولانامظفر حمید وٹو ڈپٹی سیکرٹری جنرل پنجاب مولانا اعظم فاروق جنرل سیکرٹری پنجاب مولانا عامر اشرف ڈپٹی سیکرٹری اطلاعات و نشریات پنجاب مرکزی فنانس سیکرٹری مولاناحفیظ الرحمن کشمیری بھی موجود تھے اس موقع پر کشمیریوں سے اظہار یکجہتی مسئلہ کشمیر کے حل کیلئے عالمی برادری سے مطالبہ کیا گیا ہے کہ وہ اپنا کردار ادا کرے پاکستان کی عوام کشمیری مسلمانوں کے ساتھ اظہار یکجہتی کرتی ہے کشمیر کی آزادی اور پاکستان میں امن و استحکام کیلئے خصوصی دعا۔مشترکہ پریس کانفرنس سے خطاب کرتے ہوئے رانا ثنا اللہ خان صدر مسلم لیگ (ن) پنجاب نے قائدین مرکزی علما کونسل پاکستان کا شکریہ ادا کرتے ہوئے کہا کہ مرکزی علما کونسل پاکستان نے ہمیشہ اسلام اور پاکستان کی تعمیر و ترقی کیلئے گراں قدر خدمات سرانجام دی ہیں ہم مشکور ہیں کہ اس انتخابات کے موقع پر مرکزی علما کونسل پاکستان نے پاکستان مسلم لیگ (ن) کو سپورٹ کیا اور ہم امید کرتے ہیں کہ لیگی امیدواروں کو کامیاب بنانے کیلئے اہم کردار ادا کریں گے انہوں نے کہا کہ مسلم لیگ (ن) کا منشور واضح ہے کہ ہم اپنے وعدے کے مطابق ملک میں معاشی اصلاحات سستی بجلی مہنگائی کا خاتمہ تعلیم کے بجٹ میں اضافہ کریں گے مسلم لیگ (ن) کی قیادت نے قوم سے جو وعدے کئے ہیں ان کو ہر ممکن پورا کریں گے ملک کو معاشی بحران سے نکالیں گے اگر اللہ تعالی نے ہمیں موقع دیا تو وفاق اور پنجاب میں مسلم لیگ(ن) اپنے وعدے پورے کرے گی۔ چیئرمین مرکزی علما کونسل پاکستان صاحبزادہ مولانا زاہد محمود قاسمی نے مشترکہ پریس کانفرنس سے خطاب کرتے ہوئے کہا کہ مسلم لیگ (ن) کے ساتھ ہمارے بزرگوں کا دیرینہ تعلق ہے اور ہمیشہ دائیں بازو کا ذہن رکھنے والی جماعتوں نے مسلم لیگ (ن) کو سپورٹ کیا اور ہم امید کرتے ہیں کہ آنے والی حکومت عقید تحفظ ختم نبوت تحفظ ناموس رسالت تحفظ ناموس صحابہ و اہل بیت تحفظ مدارس دینیہ نظریہ پاکستان کا ہر صورت دفاع کرے گی مرکزی علما کونسل پاکستان کے مرکزی و صوبائی عہدیداران اور پنجاب کے36اضلاع کے عہدیداران مسلم لیگ (ن) کے امیدواران کی حمایت کا اعلان کرتے ہیں اور امیدواروں کو کامیاب بنانے کیلئے مرکزی علما کونسل اپنا فعال کردار ادا کرے گی اس موقع سمندری سے آزاد امیدوار مرکزی علما کونسل تحصیل سمندری کے صدر مولانا محمد عامر اشرف حلقہPP-105 سے قائدین کے حکم پر مسلم لیگ (ن) کے امیدوار را کاشف رحیم کے حق میں دست بردار ہو گئے۔ اس موقع پر ڈویژن صدر مولانا عابد فاروقی ضلعی صدر مولانا محمد نعیم طلحہ سٹی صدرمولانا الطاف اللہ فاروقی مولانا عبدالغفار صدر گوجرانوالہ قاری ثاقب عزیز قاری اسماعیل رحیمی قاری محمد حیات مولانا محمد یوسف فاروقی مولانا رب نواز مولانا عمر فاروق صاحبزادہ حسین احمد قاسمی مولانا ساجد نعیم مولانا یوسف قاسمی محمد ارشدقاسمی اور کثیر تعداد میں علما و مشائخ بھی شریک تھے۔